क्वःछिनातःगु इलय् संविधान पिहांवइ : खनाल
नेकपा (एमाले)या नायः झलनाथ खनालं क्वःछिनातःगु इलय् हे संविधान निर्माण जुइगु खँय् धुक्क जुइत इनाप यानादीगु दु । नायः खनालं दलतय्गु दथुइ संविधानय् छगू विवाद जुयाच्वंगु विषययात क्वचायेकेत सहलह जुयाच्वंगु व छुं न्हि दुने हे सहमती थ्यनीगु नं धयादिल ।
शान्ति व संविधान लागि जूगु विशेष टेलिफोन वार्ताया झ्वलय् मंगलवाः जाजरकोटयापिं लिसे खँल्हानादिसें नायः खनालं हात्तिवनय् जूगु मू मू स्वंगू दल व मधेसी मोर्चाया शीर्ष नेतातय्गु गोप्य मुँज्याय् राज्यया पुनर्संरचना, शासकीय स्वरुप, न्याय प्रणाली लिसेंया विषयस गम्भीर सहलह जूगु व दलत सहमति लिक्क थ्यंगु धयादीगु दु ।
टेलिफोन वार्ताय् नायः खनालं जिल्लाया एमाले नेतात नापं थी थी संघसंस्थाया प्रतिनीधि, बुद्धिजीवित लिसे खँल्हानादीगु खः ।
