वायु प्रदुषण मापन यन्त्र हाकनं संचालन जुइगु
स्वदँ न्ह्यःनिसें लोडसेडिङ्गया हुनिं बन्द जुयाच्वंगु स्वनिगःया वायु प्रदुषण मापन केन्द्र हाकनं संचाल याइगु जूगु दु ।
स्वनिगःया पुतली सतक नापं यल, ख्वप, किपू व मच्छेगांमय् छगू-छगू नापं थँबहीया निगू यानाः मुक्कं न्हय्गू मापन केन्द्रत संचालन यायेगु लागि लिपांगु तयारी जुयाच्वंगु खँ वातावरण मन्त्रालयं न्ह्यथंगु दु ।
मन्त्रालयया कथं दक्व केन्द्रत स्वदँया लागि संचालन यायेगु जिम्मा इन्भाइरोमेण्ट एण्ड साइन्टिफिक सर्भिसेज प्रा.लि. यात बिइगु जूगु दु ।
डेनिस सरकारया ग्वाहालिइ वातावरण मन्त्रालयं सन् २००२स स्वनिगःया न्हय्गू थासय् वायु प्रदुषण मापन याइगु यन्त्र जडान याःगु खः ।
