बौद्ध जातक संग्रहया फुक्क ब्व पिदन
बौद्ध ग्रन्थया लोकंह्वाःगु ग्रन्थ जातक संग्रहया फुक्क ब्व पिहांवःगु दु । वीरपूर्ण पुस्तक संग्रहालयया प्रकाशनय् उगु जातक संग्रह यलय् ग्वसाः ग्वःगु छगू ज्याझ्वलय् लोकार्पण याःगु दु ।
खुगू सफुतिइ दुथ्यानाच्वंगु उगु जातकयात नेपालभाषाय् अनुवाद यानातःगु दु । गुदँया निरन्तर कुतः लिपा उगु जातक संग्रह प्रकाशीत यायेत ताःलाःगु च्वमि नापं बौद्ध विद्वान दुण्ड बहादुर बज्राचार्यं धयादीगु दु ।
बौद्ध साहित्यय् जातक संग्रहयात बोधिसत्व भविष्यय् बुद्ध जुइम्ह व्यक्तिलिसे सम्बन्धित लोककथा नीतिकथा ब्यावहारिक कला व उपाय कौशलया ज्ञान भण्डार जूगु ग्रन्थया कथं लोकंह्वाः । थुगु जातकमाला बौद्ध धर्मया जनसाहित्य कथं नं कयातःगु दु ।
