यल संग्राहलयया प्रवेश शूल्क थकाल
यल उपमहानगरपालिकां यल लाय्कु दरबार क्षेत्रलय् दुहावनेत कयाच्वंगु पर्यटन शुल्क थःकाःगु छुं ई लिपा हे यल उपमहानगरपालिकां यल संग्राहलयय् दुहांवनेगु शुल्क थःकाःगु दु ।
न्हूगु शुल्क कथं सार्क मुलुकया पर्यतकतय्त सच्छि व न्यय्तका व मेमेगू देय्या नागरिकतय्त न्यासः पुलेमाः । न्हापा सार्क देय्य नागरिकतय्सं न्हय्न्यातकाः व मेमेगु देय्या नागरिकतय्सं निसः पुलाच्वंगु खः । उपमहानगरपालिकां वैशाख १ गतेनिसें यल क्षेत्रय् दुहावनेगु शुल्क थःकाःगु खः ।
यल संग्राहलयया प्रमुख सुरेश लाखें संग्रालहय् आपालं ब्वनापिं वयाच्वंगु व वार्षिक २० प्रतिशतया दरं पर्यटक अप्वयाच्वंगु कनादिसें न्हूगु शुल्कपाखें पर्यटकतय् आगमन म्हो जकं जुइगु खःला धकाः चिउताः प्वंकादिल ।
