वानपाखें सेना समायोजन सहमतिया लसकुस
राष्ट्रसंघया महासचिव वान की मुनं प्रमुख दलत दथुइ सेना समायोजन सम्बन्धी जूगु सहमतियात लसकुस यानादीगु दु । वय्कलं थुगु सहमति नापं याकन लडाकूतय् समायोजन व पुनस्थापना जुइगु विश्वास प्वंकादीगु दु ।
महासचिव मुनया प्रवक्तां छगू विज्ञप्ति पिथसें आम सहमतिपाखें जूगु थुगु सहमतिं इलय् हे शान्ति प्रक्रिया क्वचायेकाः न्हूगु संविधान जारी यायेत ग्वाहालि जुइगु विश्वास नं प्वंकादीगु दु ।
अथेहे विज्ञप्तिइ नेपाःया शान्ति प्रक्रियाय् राष्ट्रसंघया निरन्तर ग्वाहालि दइगु खँ नं न्ह्यथनातःगु दु ।
