मन्त्रिपरिषद्पाखें लडाकू भर्ना निर्देशिका पारित
प्रमुख दलतय् सहमतिइ तयार जूगु लडाकूतय् भर्ना सम्बन्धी निर्देशिका सरकारं पारित याःगु दु । आइतवाः सुथय् च्वंगु मन्त्रिपरिषदया मुँज्यां उगु निर्देशिका पारित याःगु खः । निर्देशिका सेना समायोजन विशेष समितिं तयार याःगु खःसा उकीयात शनिवाः प्रमुख दलतय्सं अन्तिम रुप बिउगु खः । मन्त्रिपरिषदपाखें निर्देशिका पारित जुइवं आः सेना समायोजनया कानुनी लँपु चाःगु दु ।
अथेहे मन्त्रिपरिषदया मुँज्यां बन्द हड्ताल थंज्याःगु ज्यां संविधान च्वयेगु ज्या प्रभावित जुइगु धासें राजनीतिक दल व नागरिक समाजयात बन्द मयायेत आव्हान याःगु दु ।
