'विवाधित मुद्दाय् सेना समायोजन लिपा सहमित जुइ'
नेकपा (एमाले)या वरिष्ठ नेता माधवकुमार नेपालं संविधान निर्माणया झ्वलय् खनेदुगु मू मू विवादित मुद्दालय् अनौपचारिक सहलह यानाः सहमतिया निंतिं बटमलाइन क्वःछिधुंकूगु खँ धयादीगु दु ।
शनिवाः छगू ज्याझ्वःयात सम्बोधन यायेगु झ्वलय् नेता नेपालं सेना समायोजन ज्या क्वचायेधुकाः संविधान च्वयेगु ज्याय् सहमति जुइगु दावी यानादिल । दलतय्या दथुइ अनौपचारिक कथं खँ मिलेजुइधुंकूगु खुलासा यानादिसें वय्कलं सेना समायोजन जुइधुंकाः शासकीय स्वरुप, निर्वाचन प्रणाली, न्यायप्रणाली र संघीयताया मुद्दालय् सहमति जुइगु धयादिल ।
वरिष्ठ नेता नेपालं साम्प्रदायिक व जातीय सद्भाव कायम जुइगु व देय्या अर्थतन्त्रं धाने यायेफइगु कथंया बहुजातीय, बहुभाषिक व बहुसांस्कृतिक पहिचानसहितया संघीय इकाइ द्येकेमाः धयादिल ।
