आयोगया प्रतिवेदन विवाद समाधान उपसमितिइ

राज्य पुनर्संरचना आयोगया प्रतिवेदन विवाद समाधान उपसमितिइ छ्वइगु जूगु दु । संवैधानिक समितिया शुक्रवाः च्वंगु मुँज्यां प्रतिवेदन माओवादी नायः पुष्पकमल दाहाल 'प्रचण्ड' संयोजक जुयादीगु उपसमितिइ छ्वयेगु क्वःछिउगु खः ।

उगु मुँज्याय् प्रतिवेदनयात कयाः सामान्य सहलह जूगु खः । उगु सहलहस सकस्यां थःथःगु अडानय् इकिधिकि मसंगु खँ सीदुगु दु । संविधानसभां छुं ई न्ह्यः जक सुझावलिसें आयोगया प्रतिवेदन संवैधानिक समितिइ छ्वःगु खः । राज्य पुनर्संरचना आयोगया बहुमत दुजःतय्सं दलितया लागि गैर भौगोलिक लिसें ११गू प्रदेश व अल्पमतं ६गू प्रदेशया प्रस्ताव लःल्हाःगु खः ।

अथेहे संविधानसभाय् जूगु सहलहस सभासदतय्सं धाःस आयोगं राज्य पुनर्संरचना सम्बन्धि समितिइ जूगु सहमति तकं विवाद पिथंगु धासें कुंखिउँगु खः ।