सरसफाइ अभियानयात निरन्तरता

'सफा काठमाण्डौं, झीगु काठमाण्डौं' धइगु नाराया लिसें न्ह्याःगु छवाःया सरसफाइ अभियानया निन्हुया न्हि शुक्रवाः येँ महानगरपालिकाया ६, ७, ८ व ९ वडाय् सरसफाइ ज्याझ्वः याःगु दु ।

राष्ट्रिय स्वयम् सेवक परिचालन अभियान-२०६८ अन्तरगत सरकार व येँ महानगरपालिकाया मंका कुतलं थुगु विशेष सरसफाइ ज्याझ्वः न्ह्याकूगु खः ।

शुक्रवाःया सरसफाई अभियान ज्याझ्वलय् विज्ञान नापं प्रविधि मन्त्री कल्पना धमला, शान्ति नापं पुनःनिर्माण मन्त्री सत्या पहाडी, येँ महानगरपालिकाया कार्यकारी अधिकृत नापं प्रमुख केदार बहादुर अधिकारी, सेना, प्रहरी लिसें नगरपालिकाया कर्मचारी व स्थानीय मनूतय्गु आपालं ब्वति दुगु खः ।