प्रधानमन्त्रीपाखें सरसफाइ विशेष अभियानया उलेज्या

प्रधानमन्त्री डा. बाबुराम भट्टराईं शुक्रवाः येँया न्हू सतकय् 'हाम्रो काठमाण्डौं राम्रो काठमाण्डौं' राष्ट्रिय स्वयम् सेवक परिचालन अभियान-२०६८या उलेज्या यानादीगु दु ।

उलेज्याया झ्वलय् स्थानीय मन्त्री टोप बहादुर रायमाझीं सहर सफा यायेत आर्थिक रुपं जक सबल जुयां मजिउसें उकिया लागि जनतायाके चेतना दयेमाःगु खँ धयादिसें न्हूदँ २०६९य् येँयात सफा यानातयेगु ज्याय् थुगु अभियानं ग्वाहालि याइ धकाः भिन्तुना देछानादिल ।

ज्याझ्वलय् येँ महानगरपालिकाया कार्यकारी अधिकृत केदार बहादुर रायमाझी, प्रधानमन्त्रीया जहान नापं सभासद हिसिला यमि, सेना, सशस्त्र प्रहरी, कर्मचारीत नापं स्थानीय मनूतय्गु उल्लेख्य सहभागिता दुगु खः ।

येँ महानगरपालिका सफाइ अभियान वइगु चैत्र ३० गतेतक छवाः यंक न्ह्याइ ।