पहिचान व अधिकारया निंतिं दसनामी सन्यासीत आन्दोलित

जातीय पहिचान व अधिकार कायेगु निंतिं दसनामी सन्यासी समुदायपिं आन्दोलित जूगु दु । देय् न्यंक छरे जुयाच्वपिं दसनामी सन्यासी समुदाययात सीमान्तकृत व अल्पसङ्ख्यक जातिया सुचीइ सूचीकरण यायेमाःगु, दसनामी जातीय पहिचान व सामाजिक रुपान्तरणया निंतिं राज्यपाखें नीति व ज्याझ्वः छ्यलेमाःगु लगायत ११ सूत्रीय माग तःया आन्दोलनया घोषणा याःगु दु । आन्दोलनया ज्याझ्व कथं चैत १६ गतेनिसें २५ गतेतक देय्न्यंक कोणसभा, आमसभा, विरोध प्रदर्शन व चक्काजाम, चैत २६ गते राजधानीइ विरोध प्रदर्शन व चैत २९ गते मसाल जुलुसया ज्याझ्वः दु ।