राष्ट्रपतियात नं जनजातितय् ज्ञापनपौ
थीथी न्हय्गू जातिय संगठनतय्सं वइगु जेठ १४गतेया दुने पहिचानया लिधंसाय् दुगु संघीयता सहितया संविधान निर्माण यायेमाःगु माग यासें राष्ट्रपित डा. रामवरण यादवयात ज्ञापनपौ लःल्हाःगु दु ।
नेवाः देय् दबू सहित न्हय् जातिय संगठनतय्सं पहिचानया आधारय् संघीयता जुइमजिउगु धासें थीथी दलया नेतातय्सं विरोध यानाच्वंगु प्रति आपत्ति प्वंकूसें अज्याःगु ज्यां आदिवासी जनजातितय् भावनायात अपमान याःगु खँ ज्ञापनपौ पति न्ह्यथनातःगु दु ।
देय् दबू नापं नेपाल मगर संघ, किरात याक्थुङ, किरात राई यायोक्खा, नेपाल तामाङ घेदुङ, थारु कल्याणकारिणी सभा व यूल छोंजधीं गुरु्ङ राष्ट्रिय परिषदं राष्ट्रपति भवन शितल निवास वनाः सोमवाः उगु ज्ञापनपौ लःल्हाःगु खः ।
