जागरण मञ्चय् सुजीव बज्राचार्यया नेतृत्वय् न्हूगु कार्य समिति
नेवाः जागरण मञ्चया न्हापांगु अधिवेशनं निवर्तमान संयोजक सुजीव बज्राचार्ययात सर्वसम्मतं नायः पदय् ल्यःगु दु ।
शनिवाः येँया नेपाः ब्याङ्क्वेट खुसिबुँइ जूगु बन्द सत्रं बज्राचार्यया नेतृत्वय् २३म्ह दुजः दुगु कार्य समिति ल्यःगु खः । न्हूगु कार्यसमितिया न्वकु पदय् हरिबहादुर मानन्धर व अमृत ताम्राकार, मू छ्याञ्जेय् विजयकृष्ण श्रेष्ठ, छ्याञ्जेय् रत्नकाजी महर्जन ‘लूनिभाः’ व सूर्यबहादुर श्रेष्ठ, दांभरिइ बालकृष्ण खड्गी व लिउ दांभरिइ पंकज श्रेष्ठयात ल्यःगु दु ।
अथेहे कार्यकारी दुजलय् मुकेश मास्के, विजयरत्न असंबरे, ईश्वरमानसिंह डंगोल, राजेश्वर स्थापित, डेंगा मानन्धर, कृतन श्रेष्ठ, श्रीकृष्ण मानन्धर, धीरज नेवाः, अनन्त तुलाधर, विद्यासागर ताम्राकार, दिनेश श्रेष्ठ, सन्तोषलाल श्रेष्ठ, मनोज तुलाधर, किरण ताम्राकार व सरोज शाक्य ल्यःगु दु ।
नेवाः जागरण मञ्चया सल्लाहकारय् एनेकपा (माओवादी)या सभासद् हितमान शाक्य, नेपाली कांग्रेसया सभासद् तीर्थराम डंगोल, नेकपा (एमाले)या केन्द्रीय दुजः कृष्णगोपाल श्रेष्ठ, शिक्षाविद् लक्ष्मण राजवंशी व नेवाः न्ह्यलुवा डा. महेशमान श्रेष्ठ ल्यःगु दुसा कार्यसमितिया सल्लाहकार कथं पारस ताम्राकारयात ल्यःगु दु ।
न्हूगु कार्यसमितिं याकनं हे थीथी समिति गठन यानाः जागरण ज्याझ्वःयात अझ सशक्त ढंगं न्ह्याकेगु निर्णय नं याःगु दु ।
