नेपालभाषा व संस्कृतिया विषयस धरानय् अर्न्तक्रिया
नेवाः देय् दबू सुनसरीया ग्वसालय् नेपाल संम्वत् ११३२ चिल्लागा दसमी कुन्हु नेपालभाषा व संस्कृति विषयस अर्न्तक्रिया ज्याझ्वः जुल । धरानया सिद्धि नेवाः परिषद्य् जूगु ज्याझ्वलय् नेवाः देय दबूया जिल्ला नकिं सरला कायस्थया नायसुइ जूगु खः ।
ज्याझ्वलय् मू पाहाँ कथं संस्कृतिविद् काशिनाथ टमोत झायादिइगु खः । तीर्थ मास्कें लसकुस न्वचु बियादिगु ज्याझ्वः विमला प्रधानं न्ह्याकादिगु खः ।
अथेहे उगु ज्याझ्वलय् खुक्वःगु राष्ट्रिय खेलकुद धेंधेंबल्लाय् पूर्वाञ्चलया पाखें ब्वति कयाः पदक त्याकूपिं नेवाः समुदायया सोनिम शाक्य (कराँते), रवि श्रेष्ठ (कराँते) व निमेश शाक्य (शारिरीक सुगठन)यात मू पाहाँ काशिनाथ टमोतं दसिपौ लःल्हानादीगु खःसा नेवाः देय् दबू सुनसरीं भिन्तुना देछागु खः ।
