अमेरिकाया उपसहायक विदेशमन्त्री आयर्स नेपालय्
दक्षिण व मध्य एसियाया निंतिं अमेरिकाया उपसहायक विदेशमन्त्री डा. अलिसा आयर्स आइतवाः न्यान्हुयंकया नेपाः भ्रमणया निंतिं येँय् थ्यंकादीगु दु । आयर्सं नेपाःया शान्ति प्रक्रिया व संविधान दयेकेगु विषयस जानकारी कायेत नेपाः भ्रमणय् झाःगु खँ अधिकारीतय्सं धाःगु दु ।
न्यान्हुन्यंकया औपचारिक भ्रमणया झ्वलय् आयर्सं राष्ट्रपति, प्रधानमन्त्री, उपप्रधान व परराष्ट्र मन्त्रीयात नापं प्रमुख दलया शीर्ष नेतातय्त नापलाइगु खँ नेपाःया निंतिं अमेरिकी राजदूतावासया प्रवक्ता टेरी ह्वाइटं धाःगु दु ।
