थुंगु सतक याकनं दयेकेत निर्देशन

प्रधानमन्त्री डा. बाबुराम भट्टराईं येँय् सतक विस्तारया झ्वलय् थुंगु सतक पुनर्निर्माण यायेत निर्देशन बियादी दु ।
नगर विकास समिति, येँ महानगरपालिका, सतक विभाग, ट्राफिक प्रहरी लगायतया सरोकारवालालिसे बुधवाः सुथय् सिंहदरवारय् जूगु सहलहसं वय्कलं थुंगु सतक जेठ मसान्तदुने कालोपत्रे यायेत निर्देशन बियादीगु खः ।

प्रधानमन्त्रीं सतक थुनातःगु थासय् सतक कालोपत्रेया ज्या याकन यायेत नापं अन मत व टेलिफोनया तार नं चैत मसान्त दुने व्यवस्थित यायेत नेपाल विद्युत प्राधिकरण व नेपाल टेलिकमयात निर्देशन बियादीगु खः । प्रधानमन्त्रीं न्ह्यात्थेंज्याःगु दवाबय् नं ज्या मदीकेत नं निर्देशन बियादिल ।