परीक्षा बियाच्वंगु इलय् हे म्ह्याय् बुइकल
ठाकुरदेवी परीक्षा केन्द्र थलथलेपाखें प्रवेशिका परीक्षाया निन्हुया न्हि नेपाली विषयया परीक्षा बियाच्वंम्ह छिन्ताङ-२या मीना राईं म्ह्याय् बुइकूगु दु । परीक्षा शुरु जूगु छुं मिनेटय् हे मीनायात प्रसूती व्यथां च्यापय् जूगु खः ।
अनंलिपा परीक्षा केन्द्रया शिक्षक व मेमेपिं पासापिनिगु ग्वाहालिं वयात लिक्कया आँखीसल्ला स्वास्थ्यचौकीइ यंकूगु खः । स्वास्थ्यचौकी यंकूगुया निघौलिपा मीनां काय् बुइकूगु केन्द्राध्यक्ष गोपाल राईं जानकारी बियादिल ।
नवजात मचाया नां ‘रिजल्ट’ तःगु दु । मां व मचा निम्हसिया नं अवस्था बांलाःगु जानकारी नं बिउगु दु । अथेहे रुकुम सदरमुकाम खलंगा बालकल्याण मावि परीक्षा केन्द्रय् परीक्षा बियाच्वंम्ह सुष्मा कुँवरं म्ह्याय् बुइकूगु खः ।
नेपाली विषयया परीक्षा बियाच्वंगु छघौलिपा सुष्मां म्ह्याय् बुइकूगु खः । सुष्मां ग्वाहालिमिपाखें परीक्षा ब्यूगु प्रहरी प्रमुख किसनसिंह थापां जानकारी बियादिल । वयात थप छघौ ई ब्यूगु खः । थ्व स्वयाः न्ह्यः परीक्षाया न्हापांगु दिं रुकुमय् हे निम्ह छात्रां परीक्षा हलय् मचा बुइकूगु खः ।
