प्रधानमन्त्रीपाखें मन्त्री व राज्यमन्त्रीतनाप स्पष्टिकरण माग
प्रधानमन्त्री डा. बाबुराम भट्टराई थःगु मन्त्रिमण्डलया छम्ह मन्त्री व निम्ह राज्यमन्त्री नाप स्पष्टिकरण काइगु जूगु दु ।
अमर्यादित व विवादास्पद ज्याः याःगु हुनिं प्रधानमन्त्री छम्ह मन्त्री व निम्ह राज्यमन्त्रीनाप स्पष्टिकरण माग यानादीगु खः । प्रधानमन्त्रीं श्रम व यातायात मन्त्री सरिता गिरी, स्वास्थ्य राज्यमन्त्री सरोज यादव व भूमिसुधार राज्यमन्त्री ज्वाला साहनाप स्पष्टिकरण माग यानादीगु खः ।
श्रम व यातायात मन्त्री सरिता गिरीं वैदेशिक रोजगार विभागया महानिर्देशक पूर्णचन्द्र भट्टराईयात चिइकाः उगु थासय् थःगु निकटया मनूयात छु नं सुचँ मबिइसें नियूक्त याःगु, भूमिसुधार व व्यवस्थामन्त्री भीमप्रसाद गौतमं सरुवा प्रकरणय् आर्थिक कालबिल याःगु खँ सार्वजनिक जू कथं अभिव्यक्ति बिउगु व भूमिसुधार राज्यमन्त्री शाहं आइतवाः बहनी अय्लाः त्वनाः वीर अस्पतालय् अमर्यादित व्यवहार क्यंगु हुनिं वय्कःपिं नाप स्पष्टिकरण माग याःगु खँ धाःगु दु ।
