पत्रकार दबूया नायः पदय् श्रीकृष्ण महर्जन निर्वाचित
नेवाः पत्रकार राष्ट्रिय दबूया नायः पदय् श्रीकृष्ण महर्जन सर्वसम्मतं निर्वाचित जुयादीगु दु । शनिवाः जूगु पत्रकार दबूया न्हापांगु राष्ट्रिय सम्मेलनं महर्जनया नेतृत्वय् ४३म्ह दुजः दुगु कार्य समिति नं नीस्वंगु दु ।
येँया शान्ति निकुञ्जय् जूगु निर्वाचनय् नायः पद लगायत फुक्कं पदय् दुजःत सर्वसम्मतं निर्वाचित जुयादीगु खः । न्हूगु कार्य समितिया न्वकु पदय् उपेन्द्र प्रधान, महेश श्रेष्ठ, सुनिल महर्जन, राज्य लक्ष्मी शाक्य व नृपेन्द्र श्रेष्ठ निर्वाचित जुयादीगु दुसाः मू छ्याञ्जेय् उदेन न्हूसाय्मि व छ्याञ्जेय् सुरजवीर वज्राचार्य, राजु नापित व भक्त नगरकोटी निर्वाचित जुयादीगु दु । अथेहे मनोज श्रेष्ठ व भोला श्रेष्ठ छ्याञ्जे पदय् मनोनित जुयादीगु दु । दांभारी पदय् रमेश मानन्धर निर्वाचित जुयादीगु दु ।
अथेहे दुजःलय् भाइकाजी महर्जन, जितेन्द्र महर्जन, जुनीबज्र बज्राचार्य, सुरज व्यञ्जकार, सुमन रश्मी श्रेष्ठ, राजेन्द्र शाक्य, विक्रम शाक्य, ओमकाजी ताम्राकार, अजय प्रधान, पुष्पदास स्याउला, सुगतरत्न सिन्दुराकार, रविन्द्रमान महर्जन, शिमान्त शिल्पकार, के. के. मानन्धर, अस्मीत मल्ल, ज्ञानकुमार महर्जन, सुरेश श्रेष्ठ, शिला साय्मि, कमल श्रेष्ठ, नारायण सुन्दर किलम्बु, रचना श्रेष्ठ, प्रेरणा शाक्य व याम प्रधान निर्वाचित जुयादीगु दु ।
दुजलय् हे टका प्रधान, अमृत लाल श्रेष्ठ, त्रिलोचन प्रधान, नारायण श्रेष्ठ, नातिकाजी महर्जन, रत्नकाजी महर्जन व मञ्जु बज्राचार्ययात मनोनियत जुयादीगु दु ।
निर्वाचन स्वयां न्ह्यः जूगु बन्द सत्रय् पत्रकार दबूया विधान संशोधन सहित पारित याःगु खःसा पत्रकार दबू तदर्थ समितिया छ्याञ्जे उदेन न्हूसाय्मिं दबूया प्रगति विवरण व दांभरी रमेश मानन्धरं आर्थिक प्रतिवेदन न्ह्यब्वयादीगु खः ।
