कन्हय् नेवाः पत्रकारतय् न्हापांगु राष्ट्रिय सम्मेलन
नेवाः पत्रकार दबूया न्हापांगु राष्ट्रिय सम्मेलन कन्हय् शनिवाः येँय् जुइत्यंगु दु । सुथय् येँया रत्नपार्क शान्तिबाटिकां छगू र्यालीपाखें सुरू जुइगु सम्मेलनया उलेज्या येँया मरूस्थित महाद्यः पार्वतीया दबुली जुइ । सम्मेलनया उलेज्या नेवाः न्ह्यलुवाः नापं पुलाम्ह पत्रकार प्रो. माणिकलाल श्रेष्ठं यानादीगु ज्याझ्वः दु । उलेज्याझ्वः लिपा येँया शान्ति निकुञ्ज स्कुलय् बन्द सत्र नापं न्हापांगु कार्यसमितिया निंतिं निर्वाचन जुइगु ज्याझ्वः दु ।
नेवाः पत्रकार व संचारकर्मीतय् हक हितया सुरक्षा यायेगु निंतिं नीस्वंगु दबूया न्हापांगु सम्मेलनय् स्वनिगः दुने व पिनेया आपालं नेवाः पत्रकारतय्सं ब्वति काइगु ज्याझ्वः दु ।
