सुकुम्बासीतय् वस्ती चिकेत इमित धेबाः बिइगु सुरू
स्वनिगःया खुसी सिथे च्वनाच्वपिं सुकुम्बासीतय् वस्ती चिकेगु निंतिं नेपाल सरकारं बुधवाःनिसें सुकुम्बासीतय्त धेबाः बिइगु तयारी याःगु दु । सुकुम्बासीतय् लगत संकलन समितिं थःगु धलखय् लाकातःपिं सुकुम्बासीतय्त मेगू व्यवस्था मुजतले प्रति परिवार राहत कथं १५ हजार बिइगु सहरी विकास तथा भवन निर्माण विभागं धाःगु दु । विभागया कर्मचारीं धाःगु कथं चैत ७ गते तकया दुने धेबाः बिइगु व थुकेया बारे वास्तविक सुकुम्बासीतय्त जानकारी बिइधुंकगु दु ।
खुसीसि थे च्वनावयाच्वंपिं वास्तविक सुकुम्बासीया लगत संकल यायेत द्येकःगु समितिं पुस २९ गते निसें माघ ८ गते तकया दुने लगत संकलन यानाः सरकारयात छगू प्रतिवेदन लःल्हाये धुंकाः फागुन ४ गतेया मन्त्रिपरिषद्या बैठकं राहत कथं वास्तबिक सुकुम्बासीतय्त धेबाः बिइगु निर्णय याःगु खः ।
