संविधान सभाया बैठक सःतेत हाथ्या : भुसाल

एकीकृत नेकपा (माओवादी)या नेता पम्फा भुसालं संविधानसभाया नायः सुभाष नेम्वाङयात संविधानसभाया बैठक सःतेत हाथ्याः बियादीगु दु ।

यलया नमुना गां दुग्ध उत्पादक सहकारी संस्थाया थौं प्रारम्भिक साधारण सभाय् न्ववानादिसें वय्कलं सभाध्यक्ष नेम्वाङं अर्ति उपदेश जक बीगु मखसें ज्या यायेमाःगु धयादिल । सभाध्यक्ष नेम्वाङं कुतः याना च्याघौनिसें झिंखुघौतक्क सहलह यायेगु खःसा बैशाख १४ गते हे संविधान दयेकेफइगु दावी वय्कलं यानादिल ।

वय्कलं संविधानसभाया चुनावलिपा दच्छिया दुने हे संविधान च्वयेगुया आपालं ज्या जूगु व मेगु ई ज्या हे जुइमफुगु द्वपं नापं बियादिल ।