प्रधानमन्त्री व सभामुख दथुइ खँल्हाबंला
प्रधानमन्त्री डा. बाबुराम भट्टराई व सभामुख सुभाषचन्द्र नेम्वाङ दथुइ शुक्रवाः खँल्हाबंला जूगु दु ।
शान्ति व संविधानया ज्यां अपेक्षित प्रगति प्राप्त यायेमफुगु धासें प्रधानमन्त्री भट्टराईलिसे खँल्हाबल्हा यायेत प्रधानमन्त्रीया सरकारी निवास बालुवाटार थ्यंकादीम्ह नेम्वाङं शान्ति व संविधानया विषयसं थ्यंमथ्यं बाघौतक खँल्हाबल्हा यानादीगु खः ।
दलत दथुइ संविधान निर्माणया महत्वपूर्ण विषयत राज्यया शासकीय स्वरुप, न्याय प्रणाली, निर्वाचन प्रणाली लगायत विषयसं गम्भीर मतभेद कायम दु । क्वःछिनातःगु इलय् ज्या धल कथं विवादित विषय समाधान यायेत न्यान्हु जक ल्यँ दनीगु जूसां नं दलतय्सं गम्भीरतापूर्वक सहलह मयागु धयादिसें सभामुख नेम्वाङं चिउताः प्वंकादीगु दु ।
प्रधानमन्त्री भट्टराईलिसेया नापलाये ज्याय् वय्कलं शान्ति व संविधानया ज्या तिव्रगतिइ न्ह्यःने न्ह्याकेगु विषयसं कुतः यायेगु निंतिं ध्यानाकर्षण यानागु जानकारी बियादिल ।
