होली म्हिताः येँय् छम्ह मन्त

रंगया नखः कथं थःथितिपिंलिसे न्ह्याइपुक हनेगु होली थौंकन्हय् विकृति अप्वयावयाच्वंगु सकसिनं नं वाः चायेका च्वंगु दु । रंगया पलेसा मययेक मययेक लः व थीथी केमिकल इलाः पाकाच्वंगु खनेदु । थुकथं थौं थथे हे होलीया विकृतिं हे येँय् छम्ह मनूया ज्यान वंगु दु ।

कोटेश्वर, पेप्सीकोलाय् लखं छ्वाका: म्हिताःच्वंगु इलय् स्वतजाः थासं कुतुंवनां १७ दँ तिनि दुम्ह मयजु सिम्रण कार्की मदुगु खः । छेँय् नं कुतुंवंम्ह कार्कीयात ग्वार्कोया बि.एण्ड बि. अस्पतालय् यंकूगु खःसा अन मदुगु खः।