पर्यटन मन्त्री विष्टयात अबु धाबि विमानस्थलय् पन
पर्यटन तथा नागरिक उड्डयन मन्त्री लोकेन्द्र विष्ट मगरयात अबु धाबि अन्तराष्ट्रिय विमानस्थलय् पंगु दु । वइगु मार्च २३ निसें ११ तक जर्मनया बर्लिनलय् जुइगु छगू ज्याझ्वलय् ब्वति कायेत सोमवाः जर्मन वनेत्यंगु इलय् अनया सुरक्षाकर्मीतय्सं मन्त्री विष्टयात पंगु खः । मन्त्री विष्टनाप जर्मन वनेगु भिसा मदुगुलिं युएईया अवुधावी अन्तर्राष्ट्रिय विमानस्थया पुलिसतय्सं नियन्त्रणलय् काःगु खः । युएईस्थित नेपाःया दुतावासं मन्त्री अबुधाबी विमानस्थलया अध्यगमनलय् दुगु व घटनाया बारे छु नं जानकारी मदुगु खँ धाःगु दु ।
