मेट्रो एफएम धर्नाय् नेवाः पत्रकारतय्सं नं ब्वति काइगु
येँ महानगरपालिकां न्ह्याकावयाच्वंगु मेट्रो एफएमय् कार्यरत संचारकःमितय्सं थःपिंत स्थायी यायेमाःगु नापं न्हूपिं कर्मचारी काये दइ मखु धकाः यानाच्वंगु आन्दोलन प्रति नेवाः पत्रकार राष्ट्रिय दबूं ऐक्यबद्धता प्वंकूगु दु । नापं पत्रकार दबूलिं मेट्रो एफएमया संचारकःमितय्सं निगूगु चरणया आन्दोलन कथं वइगु ने.सं. ११३२ चिल्लाथ्व द्वादशि सोमवाः कुन्हु मेट्रो एफ.एमया ज्याकू राष्ट्रिय सभागृहय् मुनाः धर्ना च्वनीगु ज्याझ्वलय् नं ब्वति काइगु जूगु दु ।
पत्रकार दबूया कजि श्रीकृष्ण महर्जनं छगू विज्ञप्ति पिथना उगु ऐक्यबद्धता प्वंकादीगु खः। विज्ञप्तिइ श्रमजीवी पत्रकार ऐन लागू यायेत जुइगु पत्रकारतय् आन्दोलनय् नं नेवाः पत्रकार राष्ट्रिय दबुलिं सक्रिय भूमिका म्हिती खँ न्ह्यथनातःगु दु ।
