भारतीय पक्षं नेपामित विस्थापित जूगु मदु : सुद
भारतीय राजदूत राकेश सुदं दाङ, बारा लगायत जिल्लाय् भारतीय पक्षपाखें नेपाया नागरिकयात विस्थापित मयाःगु दाबी यानादिल ।
म्हिग निति परराष्ट्रमन्त्री नियुक्त जुयादिम्ह सुजाता कोइरालायात नपलाना लिहांझायेगु ईलय् वयेकलं संचारकर्मीतय्त थ्व खँ धयादीगु खः । वयेकलं नेपाः व भारतया स्वापूयात स्यंकेत म्वामदुगु तत्वं भारतीय पक्षं नेपामितय्त विस्थापित याःगु हल्ला ब्वलंकूगु द्वपं बियादिल । वयेकलं अन विस्थापित जुपिंनी नेपाः व भारत निगुलिं पक्षं छानविन यायेमाः धयादिल ।
परराष्ट्रमन्त्रीया छेँज वनाः नापलानादीम्ह भारतीय राजदुत व मन्त्री कोइरालाया दथुइ सीमा अतिक्रमणया बारे नेपालय् जुयाच्वंगु विरोधया बारे खँल्हाबंला जूगु खः ।
खँल्हाबंला लिपाः परराष्ट्रमन्त्री कोइरालां थुकीया विषयलय् छानविन जुयाच्वंगुलिं छानविन लिपाः जक थप जानकारी बीफइगु धयादिल ।
