चन्द्रबहादुर हलिंया दकलय् चिधिकम्ह मनू जूगु पुष्टि
नेपाःया चन्द्रबहादुर डाँगी हलिंया हे दकलय् चिधिकम्ह मनू जूगु पुष्टि जूगु दु । गिनिज बुक अफ वर्ल्ड रेकर्डसं ७२दँया डाँगीयात हलिंया दकलय् चिधिकम्ह मनू जूगु पुष्टि याःगु दु ।
डाँगीया हाईट नापे यायेत येँय् वःगु गिनिज बुकया प्रधान सम्पादक क्रेग ग्लिन्डे नापंया पुचलं डाँगीया हाइट ५४.५ सेन्टिमिटर (२१.५ इञ्च) जूगु प्रमाणित याःगु खः । चिधिकम्ह मनू जूगु पुष्टि जुइवं गिनिज बुकं डाँगीयात हलिंया दकलय् चिधिकम्ह मनू जूगुया प्रमाणपत्र नं लःल्हाःगु दु ।
थ्वस्वयां न्ह्यः ५९.९ सेन्टिमिदर (२३.५ इञ्च) दुम्ह फिलिपिन्सया जुनेर वालापिङया नामय् थुगु रेकर्ड दुगु खः । वालापिङ स्वयां न्ह्यः नेपाः हे खगेन्द्र थापा मगरया नामंय् उगु रेकर्ड दुगु खः ।
