'मधेशया आन्दोलन निस्तेज यायेत गुप्तायात कारवाही'
संयुक्त लोकतान्त्रिक मधेशी मोर्चां जयप्रकाश प्रसाद गुप्तायात सर्वोच्च अदालतं भ्रष्टाचार याःगु द्वपंलय् कुनेगु आदेश बिउगुयात मधेशया मुद्दाय् आन्दोलनयात निस्तेज यायेगु मेगू कुतःया संज्ञा बिउगु दु ।
मोर्चाय् आवद्ध मधेशी जनअधिकार फोरम (लोकतान्त्रिक), तराई मधेश लोकतान्त्रिक पार्टी व सद्भावना पार्टीया आइतवाः च्वंगु मुँज्यां जुप्तां संघीयता नापं मधेशया मुद्दाया सम्बन्धय् याःगु आन्दोलनयात निस्तेज यायेगु कथं उगु निर्णय जूगु खँ न्ह्यथंगु दु । मधेशी जनअधिकार फोरम (गणतान्त्रिकं) पार्टी अध्यक्ष जेपी गुप्तायात जेलय् कुनेगु सर्वोच्च अदालतया फैसला विरुद्ध पुनरावलोकन निवेदन दर्ता यायेगु निर्णय याःगु कन्हय् कुन्हु मोर्चां उगु खँ न्ह्यथंगु खः ।
मोर्चाया मुँज्या लिपा पिथंगु विज्ञप्तिइ मधेशया मुद्दाया सम्बन्धय् याःगु आन्दोलनयात निस्तेज यायेगु झ्वलय् जुयाच्वंगु सिलसिलेवार प्रहारया हे निरन्तरताया रुपय् गुप्ताया अभियोग सावित जूगु द्वपं बिउगु दु ।
थ्वस्वयां न्ह्यः फोरम गणतान्त्रिकया शनिवाः च्वंगु केन्द्रीय समितिया मुँज्यां गुप्ताया फैसला त्रुटिपूर्ण जूगु धासें पुनरावलोकनय् वनेगु निर्णय याःगु खः ।
