यलय् इतिल्हने सम्यक महादान
न्यादँय् छक्वः याइगु इतिल्हने सम्यक महादान यलय् क्वचाल । शुक्रवाः बहनी यलया मंगलय् च्वंगु लय्कू न्ह्यःने फुक्क बहाः बहीया दिपंकर तथागतत मुंकाः छसिकथं नाग बहालय् बिज्याकूगु खः । द्यःपिं सकलें नाग बहालय् बिज्याकेधुंकाः पुजा यानाः सम्यक शुरु जूगु खः । उकथं हे शनिवाः न्हिनय् सम्यक महादान जूगु खः ।
यलया झिंन्यागू बहाः व झिंनिगू बही नापं स्वनिगः दुनेया किपू, बुंग, च्वभाःपाखें सम्यक दिपंकर तथागतपिं व बौद्ध देवदेवीपिं यलया नागः बहालय् हयाः सम्यक महादान निन्हु तक न्ह्याःगु खः । सम्यक महादनया निंतिं वंगु शनिवाः नागबहालय् यःसिं थनाः हलिंपताः नं ब्वःगु खः ।
झिंनिगू सदीयाम्ह ठकुरीवंशया जुजु भाष्करदेव वर्मा संस्कारित श्री हिरण्यवर्ण महाविहार क्वाबहाःया ग्वसलाय् सलंसः दँ न्ह्यःवनिसें न्यादँय् छक्वः थुगु सम्यक न्यायेका वयाच्वंगु दु ।
