पेट्रोलियम पदार्थय् प्यतका थकाल
नेपाल आयल निगमं पेट्रोलि, डिजेल, मचिकं व हवाई इन्धनया भाः प्यतकां थकागु दु । छुं ई न्ह्यः जक विद्यार्थीतय् तच्वःगु विरोधया हुनिं क्वकाःगु पेट्रोलियम पदार्थया भाः हानं थकाःगु दु । निगमया घाटा म्हो यायेत व पेट्रोलियम पदार्थया सहज आपूर्तिया निंतिं भाः थकायेमाःगु खँ निगमं न्ह्यथंगु दु ।
निमगया शुक्रवाः बहनी च्वंगु संचालक समितिया मुँज्यां शनिवाः निसें लागू जुइ कथं पेट्रोलियम पदार्थय् प्यतका अप्वयेकूगु खः । एलपी ग्यासया भाः धाःसा निगमं यथावत तःगु दु । न्हूगु भाः कथं ११२ वंगु पेट्रोल आः ११६, डिजेल व मचिकं ८१ पाखें ८५ व १०५ वंगु हवाई इन्धनया १०९ थ्यंगु दु ।
