नेपालय् अझ नं २५ प्रतिशत जनता गरिब
नेपालय् अझ नं २५ प्रतिशत जनता गरिबीया रेखा क्वये लानाच्वंगु तथ्यांक सार्वजनीक जूगु दु । केन्द्रीय तथ्यांक विभागं अझ नं २५ प्रतिशत नेपाःमित गरिब जूगु तथ्यांक सार्वजनिक याःगु दु । विभागं नेपाःया जीवनस्तर सर्वेक्षणय् उगु खँ न्ह्यथनातःगु दु ।
तथ्यांक कथं नेपाःया ग्रामीण क्षेत्रया २७ प्रतिशत व सहरया १५ प्रतिशत जनता गरिबीया रेखा क्वये दु । भौगलिक क्षेत्र कथं हिमाली क्षेत्रय् दकलय् अप्व गरिब (४२ प्रतिशत) दु । अथेहे पहाडी क्षेत्रय् २४ प्रतिशत व तराईलय् २३ प्रतिशत गरिब दु ।
अथेहे क्षेत्रगत हिसाबं सुदूरपश्चिमय् दकलय् अप्व गरिब दु । अन ४५.६१ प्रतिशत, वयां लिपा मध्यपश्चिम क्षेत्रय् ३१.६८, पश्चिमाञ्चलय् २२ प्रतिशत, मध्यमाञ्चलय् व पूर्वाञ्चलय् २१-२१ प्रतिशत गरिब दु ।
