जनजातितय् आरक्षण कटौती यानातःगु विद्येयक लितकायेत माग
आदिवासी जनजातिया आरक्षण कटौती यानाः मधेसीयात बिइगु तयारी यानाच्वंगु विद्येयक लितकायेत थारु समुदायया थीथी संघ संघ संस्थातय्सं सरकारयात झिंन्यान्हुया अल्टिमेटम बिउगु दु ।
थीथी थारू संस्थाया प्रतिनिधितय्सं मंगदवाः छगु पत्रकार सम्मेलन यानाः समावेशी विद्येयक खारेजी व तराई भुमिपुत्र थारुयात मधेसी देय्केगु षडयन्त्र झिंन्यान्हुया दुने
लितमकासाः सशक्त आन्दोलन न्ह्याकेगु ख्याच्वः बिउगु दु ।
पत्रकार सम्मेलनय् न्ववासें थारु नेतातय्सं थारुतय्गु पहिचान नष्ट यायेगु कथं थारु भूमियात मधेसी भूमि देय्केगु कुतयात सफल याकेमबिगु व तराईयात मधेस देय्केगु योजना राष्ट्रघाती जूगु द्वपं बिउगु दु । अथेहे थारु समुदायया पहिचान निंतिं थःपिं छधि छँप्प जुयाः आन्दोलन यायेगु व संविधानसभाय् च्वपिं ३७म्ह थारु सभासदतय्सं संसद अवरुद्ध यायेगु ख्याच्वः नं बिइगु दु ।
