कुटनीतिक पहल जारी : प्रधानमन्त्री

प्रधानमन्त्री माधवकुमार नेपालं थीथी जिल्लाय् जूगु सीमा अतिक्रमणया बारे परराष्ट्र मन्त्रालय मार्फत कुटनीतिक पहल जुयाच्वंगु खँ धयादिल । वयेकलं परराष्ट्र मन्त्रालय मार्फत भारतीय राजदूतयात दाङ व बाराय् जूगु सीमा अतिक्रमण व अनया नेपाली नागरिक विस्थापनया बारे ध्यानाकर्षण यायेधुनागु जानकारी बियादिल ।

शुक्रवाः सीमा अतिक्रमण सम्बन्धय् पलाः ल्ह्वनेत झिंनिगू विद्यार्थी संगठनं ब्यूगु ज्ञापन पौ लःल्हानाकायेगु झ्वलय् वयेकलं दाङ व बाराया घटनाया बारे तथ्य व यथार्थ विवरण छानबिन यायेत सभासदतय् छगू पुचः उखे पाखे वनीगु धयादिल । विद्यार्थीतय्सं प्रधानमन्त्रीयात भारतीय सशस्त्र सुरक्षा बल (एसएसबी) पाखें नेपाःया भू-भाग कब्जा काबलय् नेपाली नागरिकत विस्थापित जूपिंत पुर्नस्थापना यायेत माग याःग दु ।