पोखरेल प्याब्सनया न्हूम्ह अध्यक्ष
भिएस निकेतन स्कूलया संस्थापक बाबुराम पोखरेल निजी तथा आवासीय विद्यालय अर्गनाइजेसन (प्याब्सन)या अध्यक्षय् निर्वाचित जुयादीगु दु ।
यलय् स्वयन्हु तक न्ह्याःगु प्याब्सनया झिंछक्वःगु राष्ट्रिय महाधिवेशनं पोखरेलयात निर्वाचित याःगु खः । पोखरेलं थः प्रतिद्वन्द्वी भोबहादुर शाहयात २१२ मतं बिकूगु खः । पोखरेलं ७३५ व शाहं ५२३ मत हःगु खः ।
महाधिवेशनय् प्याब्सनया वरिष्ठ उपाध्यक्षय् लक्ष्यबहादुर केसी, मिसा उपाध्यक्षय् सानु अमात्य व क्षेत्रीय उपाध्यक्षपाखे विजय सम्बाहाम्फे, सरोज राय, गोपलकृष्ण श्रेष्ठ व टीका पुरी निर्वाचित जूगु दु ।
अथेहे महासचिवय् डिके ढुंगाना, सचिव दिपी थापा, राजेन्द्र बानियाँ, कुमार घिमेरी व कृष्ण अधिकारी व कोषाध्यक्षय् ईश्वरबहादुर गुरुङ निर्वाचित जूगु दु ।
