पुलाम्ह मन्त्री गुप्ता जेल चालन
नेपाल सद्भावना पार्टी आनन्दीदेवीया अध्यक्ष नापं पुलाम्ह मन्त्री श्यामसुन्दर गुप्तायात जेल चालन याःगु दु । येँ जिल्ला अदालतं गुप्तायात अपहरणया मुद्दाय् पूर्पक्षया निंतिं थुनाय् तयेगु आदेश बिउगु खः ।
जिल्ला अदालतया न्यायाधीश विष्णुप्रसाद कोइरालाया एकल इजलासं शुक्रवाः गुप्ता व मेपिं न्याम्ह अभियुक्तयात थुनाय् तयेगु आदेश बिउगु खः । अदालतं गुप्तायात धरौटीइ त्वःते मफइगु धासें थुनाय् तयेगु आदेश बिउगु खः ।
गुप्तायात व्यापारी पवन संघाइया अपहरणया अभियोग लानाच्वंगु दु ।
