धौलागिरी अञ्चल बन्द लितकाल
प्रतिस्प्रधी संस्था प्रशासनं दर्ता याःगु विरोधय् आन्दोलनय् कुहांवःपिं अनया यातायात व्यवसायीतय्सं आन्दोलनया ज्याझ्वः लितकाःगु दु । बाग्लुङया जिल्ला प्रहरी ज्याकूथी बिहीवाः च्वंगु सर्वदलीय मुँज्याय् प्यंगू बुँदे सहमति जुइवं व्यवसायीतय्सं बन्द लित काःगु खः ।
मुँज्याय् यातायात समितिइ प्रवेश यायेवलय् न्हूगु सवारी साधन जुइमाःगु, थःथवय् दुगु समस्या समाधान यायेत उद्योग वाणिज्य संघया संयोजकत्वय् सहलह यायेगु, प्रहरीं ज्वनायंकूपिं व्यवसायीयात त्वःतेगु सहमति जुइवं बन्दकर्तातय्सं आन्दोलन लित काःगु खः ।
