'अन्ततः नेपाःया राजनीतिक दलत मिलेजुइ हे माः'
नेपाःया निंतिं भारतया राजदूत जयन्त प्रसादं अन्ततः नेपाःया राजनीतिक दलत मिले जुयाः न्ह्याः वनेगुया विकल्प मदुगु खँ धयादीगु दु ।
शुक्रवाः येँय् जूगु छगू ज्याझ्वलय् राजदूत प्रसादं शान्ति प्रक्रिया क्वचायेकेगु व संविधान निर्माण यायेगु ई यक्व मदुगुलिं दलत मिलेजुइगुया विकल्प मदुगु धयादिल । वय्कलं दलतय्सं सहमतिइ हे थःगु भालाः पूवंकीगु व संविधानसभाय् वयाः मिलनविन्दु जुइगु धयादिल ।
इलय् हे संविधान निर्माण जुइगु विश्वास प्वंकादिसें राजदूत प्रसादं छक्वलं हे सर्वमान्य संविधान वइ धकाः अपेक्षा यायेमजिउगु न्ह्यथनादिल । वय्कलं फुक्कसितं सर्वमान्य संविधान निर्माण यायेगु स्वयां संविधानयात गुकथं कार्यान्वयन याइ उगु कथं हे उकिं स्थायित्व काइगु धयादिल ।
