नेपाः पार्टीपाखें सरकारयात बियातःगु समर्थन लितकायेगु ख्याच्वः
नेपाः राष्ट्रिय पार्टीं न्ह्य्न्हुया दुने लँ तब्या यायेगु नांमय् डोजर आतंक बन्द मयासाः सरकारयात बियातयाःगु समर्थन लितकायेगु ख्याच्व बिउगु दु । नेपाः राष्ट्रिय पार्टीं सतक विस्तारया नांमय् स्वनिगया भूमिपुत्रतय्त भूमिहिन यायेगु कथं न्ह्यानाच्वंगु डोजर आतंक तत्काल बन्द मयासाः सतक संघर्षय् कुहांवयेगु ख्याच्वः नं बिउगु दु । नापं जनतायात विस्थापित यायेगु सतक ऐनया मापदण्ड खारेजी यायेत नं माग याःगु दु ।
नेपाः राष्ट्रिय पार्टीं सतक विस्तारया नांमय् न्ह्यानाच्वंगु डोजर आतंक विरुद्धय् माओवादी पार्टी अध्यक्ष प्रचण्ड व प्रधानमन्त्री डा. बाबुराम भट्टराईयात छगू ज्ञापनपौ लःल्हायेगु खँ न्ह्यथंसें आः तक स्यंकूगु नीजि सम्पतिया क्षतिपूर्ति बिइगु निर्णय तत्काल यायेत नं सरकारनाप माग याःगु दु ।
नापं सरकारं सुकुम्वासीयात हुकुम्वासी व स्थानीय बासिन्दायात सुकुम्बासी दयेकेगु कुतः यायेत्गु द्वपं नं बिउगु दु ।
