च्याम्ह मन्त्रीतय् शपथ ग्रहण सम्पन्न
एमालेया वरिष्ठ नेता माधवकुमार नेपालया नेतृत्वय् गठन जूगु सरकारय् थौं थप च्याम्ह मन्त्रीत दुथ्याकूगु दु । नवनियुक्त जुपिं च्याम्हं मन्त्रीतय्त प्रधानमन्त्रीं थौं हे शपथ ग्रहण याकादीगु दु । थौं बहनी राष्ट्रपति निवास शितल निवासय् राष्ट्रपतिया उपस्थिति प्रधानमन्त्री नेपालं नवनियुक्त मन्त्रीतय्त शपथ ग्रहण याकादीगु खः ।
बिहिवाः मधेशी जनअधिकार फोरमया संसदीय दलया नेता विजयकुमार गच्छदार उपप्रधानमन्त्री नापं भौतिक याजना मन्त्री नियुक्त जुयादीगु दुसाः नेपाली कांग्रेस पाखें सुजाता कोइराला परराष्ट्रमन्त्री, डा. प्रकाशशरण महत, डा. मिनेन्द्र रिजाल, उमाकान्त चौधरी, पूर्णकुमार शर्मा व बालकृष्ण खाँड बिना विभागीय मन्त्री नियुक्त जुयादीगु दु । अथेहे, नेकपा मालेया पाखें डम्बर श्रेष्ठ वनमन्त्रीया कथं नियुक्त जुयादीगु दु ।
थ्वस्वयां न्ह्यः चैत १० गते एमाले पाखें विद्यादेवी भण्डारीयात रक्षा व सुरेन्द्र पाण्डेयात अर्थमन्त्री नियुक्त यायेधुंकूगु दु ।
