सरकारं लुँवहया भन्सार दर थकाल
सरकारं लुँवहया भन्सार दर थकाःगु दु । मन्त्रिपरिषदया मंगलवाः च्वगु मुँज्या लुँवहया भन्सार दर थकाःगु खः । मन्त्रिपरिषदया निर्णय कथं लुँया प्रति दस ग्रामलय् न्यास व वहया प्रति किलो निद्वः व निसः तका भन्सार वृद्धि याःगु दु ।
भन्सार दर थःकायेधुंका नेपाः व भारतया भन्सार दर समान जूगु दुसाः बजारय् लुवह म्हो जूगु दु । भन्सार दर थकागुलिं आः नेपालं भारतय् जुइगु लुँवहया तस्कारी रोके जुइगु विश्लेण वाणिज्य मन्त्रालय याःगु दु । नापं भन्सार दरय् वृद्धि मयाःगु जूसाः नेपाःया अर्थतन्त्रय् नकारात्मक प्रभाव लाइगु खँ नं धाःगु दु । लुँवहया भन्सार दर थकायेगु व क्वकायेगु निर्णय मन्त्रिपरिषदं जक यायेफइगु प्रावधान कथं सरकारं थुगु दँय् सहज कथं भन्सार दर थकाःगु खः ।
