लडाकू समायोजन मखु व्यवस्थापन व पुनस्थापना : रक्षामन्त्री

रक्षामन्त्री विद्यादेवी भण्डारीं माओवादी लाडाकूतय् समायोजन मखसें व्यवस्थापन व पुनस्थापना जुइगु धयादिल । अन्तरिम संविधानय् माओवादी लडाकूतय् समायोजन धकाः न्ह्यथंनातःसां वयेकलं उकी सहलह जुइ ल्यं दनीगु धयादिल ।

पोखराय् जूगु छगू ज्याझ्वलय् ब्वति कायेत अन थ्यंकादिम्ह मन्त्री भण्डारीं संचारकर्मीत नाप खँल्हानादिसें माओवादी लडाकूतय् व्यवस्थापन व पुनस्थापना संविधान निमार्ण जुइ स्वयां न्ह्यः हे जुइगु धयादिल । वयेकलं सेना समायोजन विशेष समितिया दुजःतय् हेरफेर जुइफूगु खँ नं धयादिल ।

वयेकलं माओवादी थःगु हे कारणं सरकार पाखें पिनालावंगु धासें माओवादीयात नं सहमतिया राजनीति हेगु कुतः जुयाच्वंगु धयादिल । नापं वयेकलं नीनिगू दलनाप सहलह याना: याकनं हे मन्त्रीमण्डलयात पूर्णता बीगु खँ कनादिल ।