चितवन व शेर्पा प्रदेश बारे माओवादीया असहमति
एकीकृत नेकपा (माओवादीं) राज्य पुनर्संरचना अयोगया प्रतिवेदनय् सैद्धान्तिक सहमति प्वंकूगु दु । सोमवाः च्वंगु माओवादी स्थायी समिति मुँज्यां प्रतिवेदनय् सैद्धान्तिक सहमति प्वंकूसां छुं छुं विषयलय् धाःसा असहमति प्वंकूगु दु ।
माओवादीं शेर्पा प्रदेश चीकेगु आयोगया सुझाव व चितवनयात टुक्रा यानाः तराईया निगू प्रदेशय् विभाजन यायेगु सुझाव प्रति असहमति प्वंकूगु खः । स्थायी समिति मुँज्या लिपा माओवादी छ्याञ्जे सीपी गजुरेलं आयोगया सुझावय् सैद्धान्तिक सहमति प्वंकूसां चितवनयात टुक्रा यायेगु व शेर्पा प्रदेशयात चीकेगु खँय् विमति प्वंकूगु जानकारी बियादिल ।
थ्वस्वयां न्ह्यः माओवादीं आयोगया प्रतिवेदनया समग्र अध्ययन लिपा थःपिनिगु आधिकारीक धारणा पितबिइगु खँ धाःगु खः ।
