बुधवाः गोकणय् प्रमुख स्वंगू दलया मुँज्या
प्रमुख स्वंगू दलत एनेकपा (माओवादी), नेपाली कांग्रेस व नेकपा (एमाले)या मुँज्या बुधवाः गोकर्ण रिसोर्टय् च्वनीगु जूगु दु । विपक्षी दलत कांग्रेस व एमालें न्हय्गू बुँदे सहमति कथं शान्ति प्रक्रिया न्ह्याकेत सरकार व माओवादीयात न्हय्न्हुया अल्टिमेटम बिउगु कन्हय् कुन्हु स्वंगू दलया मुँज्य च्वनेगु निर्णय जूगु खः ।
दलत दथुइ राष्ट्रिय सहमतिय सरकार, संविधान निर्माण लगायत शान्ति प्रक्रिया व सेना समायोजनया बारे सहलह जुइगु जूगु दु । अथेहे जनयुद्धया इलय् जनसत्तां याःगु निर्णय कार्यान्वयन यायेगु सरकारया निर्णयया विषयलय् नं सहलह जुइगु ज्याझ्वः दु ।
