सभापति कोइरालाया पुत्रीमोह
अन्ततः नेपाली कांग्रेसया सभापति गिरिजाप्रसाद कोइरालां थःगु जीवनया उत्तराद्र्धय् वयाः पार्टीयात झ्वाकलय् थुनेगु अन्तिम शस्त्र प्रयोग यानादीगु दु चुनावय् बूम्ह थः म्ह्याय् सुजाता कोइरालायात सरकारया नेतृत्व याकेगु निर्णय यानाः । सुजाता कोइराला न पार्टीया सभापति खः न संसदीय दलतया नेता खः न चुनावय् त्याना वःम्ह सभासद् खः । छुं खःसा केवल सभापति कोइरालाया म्ह्याय् खः । थः म्ह्याय् जूगु नातां कोइरालां वय्कःयात वर्तमान सरकारय् कांग्रेसया नेतृत्व यानाः दुहां वनेगु निर्णय यानादीगु दु । तर विडम्बना वय्कःया थ्व निर्णय विरुद्ध कांग्रेसया इतिहासय् हे न्हापांखुसी वय्कःया कठपुतली जुयाः ज्या यानाच्वंिपं सुशिल कोइराला रामचन्द्र पौडेल थेंज्याःिपं नेतात तकं वय्कःया विरोधय् कुहां वःगु दु । कांग्रेसया केन्द्रीय पदय् दुिपं खुम्ह पदाधिकारीतय्सं म्हिगः सभापति कोइरालायात नापलानाः मंकाः रुपं थःपिनि असहमति प्रकट यायेधुंकूगु दु । तर कोइ-रालां धाःसा थःगु निर्णय हीकेगु बिचाः अझ नं यानादीगु मदुनि ।
थः धुंकाः थः हे म्ह्याय् सुजाता-यात पार्टीया लगाम ज्वंका थकेगु कोइरालाया तःधंगु इच्छा खः । तर म्ह्याय्या अदुरदर्शी पलाः पदलोलुपता अलोकपि्रयता आदि कारणं यानाः कांग्रेस दुने धिसिलाक पलाः तये फयाच्वंगु मदु । न कोइरालां मेम्ह नेतायात विश्वास यात न थः म्ह्याय्यात बांलाक टिके याये फत । थ्वहे अन्तद्र्वन्द्वं कोइरालायात दुनं दुनं खतं नका यंकाच्वंगु दु । लिसें कांग्रेसया भविष्यय् नं थुिकं यानाः शंका पिकयाच्वंगु दु । आः वयाः कोइरालां सुजाताया सन्दर्भय् गुगु निर्णय यात कांग्रेसया भविष्यय् वय्कलं यानादीगु सम्भवतः अन्तिम प्रहार खः ।
More Stories Like this
छाय् जुइ थपाय्जिगु अपराध? जनतायात सास्ती जुइगु विरोध मजिल उपप्रमपाखें भारतय् याःवंगु ब्रिफिंग अपराध व राजनीति आः नापनापं हे माओवादी सहमतिया थीथी पक्ष
