राज्य पुनर्संरचना आयोगं प्रतिवेदन लःल्हात
राज्य पुनर्संरचना आयोगं मंगलवाः झिंछगू प्रदेश सहितया प्रतिवेदन प्रधानमन्त्री डा. बाबुराम भट्टराईया लःल्हाःगु दु ।
पुनर्संरचना आयोगया संयोजक डा. मदन परियार सहितया पुचलं उगु प्रतिवेदन प्रधानमन्त्रीयात लःल्हाःगु खः । सर्वसम्मत जुइमफेवं बहुमतया आधारय् झिंछगू प्रदेश दयेकेगु सुझाव प्रतिवेदनय् दुथ्याकाः तःगु दु । अथेहे अल्पमतय् लाःपिं दुजःतय्सं फरक मतया कथं खगू प्रदेशया प्रस्ताव नं प्रतिवेदनय् दुथ्याकतःगु दु ।
बहुमत दुजःतय् प्रतिवेदनय् किरात, लिम्बुवान, ताम्सालिङ, नेवाः, तमुवान, नारायणी, मगरात, खप्तड-कणार्ली, मिथिला-भोजपुरा-कोच-मधेश व लुम्बिनी-अवध-थारुवान प्रदेश नापं गैर भौगोलिक कथं दलित प्रदेशया प्रस्ताव याःगु दु । उखे फरक मत कथं स्वम्ह दुजःतय्सं नामाङ्कण मयासें भौगोलिक रुपं खुगू प्रदेशया प्रस्ताव याःगु दु ।
प्रतिवेदनय् जातिय अग्राधिकार, अविष्टि अधिकार केन्द्र व प्रदेशयात दइगु व्यवस्था यानातःगु दु ।
थ्वस्वयां न्ह्यः सिंहदरवारय् थःगु प्रतिवेदन लःल्हायेत वंपिं आयोगया दुजःतय्त शेर्पा समुदायया सभासद्तय्सं पंगः थंगु खः । आयोगया प्रतिवेदनं शेर्पा व जडान प्रदेश लिकागु विरोधय् इमिसं नाराबाजी सहित विरोध प्रदर्शन याःगु खः । शेर्पा सभासद्तय् प्रदर्शनया हुनं अयोगया दुजःत सिंहदरवारय् दुहांवनेमफेवं सुरक्षाकर्मीया ग्वाहालि दुने वंगु खः ।
