थारुतपाखें हानं आन्दोलन घोषणा
यें (सन्ध्या टाइम्स) / तराईया थारु समुदाय व सरकार दथुइ वंगु चैत्र महिनाय् जूगु ६ बँुदे सहमति कार्यान्वयन मयासे सरकारं न्ह्यानाच्वंगु अधिवेशन क्वचायेकेगु कुतः यानाच्वंगुिलं थारु कल्याण- कारिणी सभां भत्स्रना याःगु दु । सभां म्हिगः छगू वक्तव्य जारी यासें उगु भत्स्रना याःगु खः ।
सभां न्ह्यानाच्वंगु अधिवेशनं सरकारलिसे जूगु सहमति कार्यान्वयन यायेमाःगु माग नं याःगु दु । थ्वहे झ्वलय् सभां कन्हय् प्रधानमन्त्री माधव कुमार नेपालयात सहमति कार्यान्वयन याकेगु िनंितं ज्ञापनपत्र बीगु िसंहदरवारया दक्षिणध्वाखाय् धर्ना बीगु व जेठ ३० गते सुनसरीया झुम्का रौतहटया सन्तपुर पसा्रया जितपुर रुपन्देहीया मुर्गिया व बर्दियाया भुरी गाविसय् क्षेत्रीय रुपय् विरोध सभा यायेगु ज्याझ्वः नं सार्वजनिक याःगु दु ।
थारुतय्सं थःिपंत नं मधेशीया धलखय् लाकातःगु कारणं उगु धलखं थःपिनि नां लिकायेमाः व थ्व ज्या चालु संसदपाखें हे जुइमाः धकाः माग याना वयाच्वंगु खः । तर सरकारं उकियात वास्ता मयायेवं हानं आन्दोलन शुरु यायेगु घोषणा याःगु खः ।
लुमंकेबहः जू थारु आन्दोलनया कारणं निला न्ह्यः तिनि तराईया सम्पूर्ण लागा बन्द जुयाः २२ न्हु तक राजधानीइ समेत पेट्रोलियम पदार्थ व मेमेगु खाद्यान्नया अभाव जूगु खः ।
