दुरुया भाः हाकनं थकाल

दुग्ध विकास संस्थानं थनिंनिसें लागू जुइ कथं संस्थानया कार्य क्षेत्रय् दुनेया फुक्क जिल्लाय् दुरुया भाः थकाःगु दु ।अथेहे कन्हय् निसें लागू जुइकथं संस्थानं मीगु स्टाण्डर्ड दुरु (वचुगु पाकेट) या उपभोक्ता भावय् नितका प्रति पाकेट व होल मिल्क (वाउँगु पाकेट)य् प्रति पाकेट स्वतका थकागु दु ।

नेपालगञ्ज दुग्ध वितरण आयोगया हकय् स्टाण्डर्ड दुरुइ प्रति पाकेट छतका व होल मिल्कय् प्रति पाकेट नितका जक थकाःगु संस्थानपाखें पिकाःगु विज्ञप्तिइ न्ह्यःथनातःगु दु ।विज्ञप्तिइ बाध्यात्मक परिस्थितिया कारणं उपभोक्ता भावय् वृद्धि यायेमाःगुलिं उपभोक्ता वर्गय् लाःवनीगु लिच्वःप्रति संस्थान क्षमायाचना यासें संस्थानं उपभोक्ताया विश्वासिलो डिडिसी ब्राण्डया गुणस्तरीयता कायम तयेगु प्रतिवद्धता नं प्वंकूगु दु ।