सार्क राइटर्सया अन्तरक्रिया
यें (सन्ध्या टाइम्स) / फाउण्डेशन अफ सार्क राइटर्स नेपाल च्याप्टरया ग्वसालय् नेपाः वयाच्वंम्ह बंगलादेशया मचा साहित्यकार मुस्तफा मसुदलिसे अन्तरक्रिया ज्याझ्वः यात । उगु इलय् साहित्यकार मसुदं बंगलादेशय् मचा साहित्यया स्थिति ज्यापौ न्ह्यब्वसें अन मचा साहित्यया अवस्था बांलाःगु व मचा साहित्य जक स्वइगु बिस्कं एकेदमि हे दुगु जानकारी बियादिल । मस्तय् नाटक क्यनेगु िनंितं अन लिटिल थेटर धकाः नाटकछेँ हे दयेकातःगु खँ नं वय्कलं कनादिल ।
ज्याझ्वलय् उपस्थित नेपाली साहित्यकारतय्सं वय्कःलिसे थ्व बारे जिज्ञासा नं प्वंकूगु खः ।
उकथं हे सार्क राइटस्रपाखें नेपाःया िनंितं पाकिस्तानी राजदूत-लिसे नं निगू देय्या साहित्य विकास-यात कयाः अन्तकिर््रया यात । पाकिस्तानी राजदूत शहेद अबरर हुसेन थः नं छम्ह उर्दू कवि खः । ज्याझ्वलय् न्ववासें वय्कलं निगू देय्या साहित्यकारिपंत निगुिलं देय् चाःहीकाः साहित्यिक कालबिल यायेगु इच्छा प्वंकादिल ।
निगुिलं ज्याझ्वः नेपाल च्याप्टरया अध्यक्ष द्वारिका श्रेष्ठया अध्यक्षताय् जूगु खः ।
नेपाल च्याप्टरं आः याकनं चिनियाँ साहित्यविद् हे ईलिसे नं अन्तकिर््रया यायेत्यंगु दु ।
