प्यदँय् क्यन नेपालमण्डल डट कम

थौं श्रीपंचमि - 'नेपाल मण्डल' या बुदिं

देशविदेशया बुखँ, समसामयिक मनोरञ्जनात्मक व विचारोतेजक ब्लग सकतां नेवाः भासं आःया आः हे उपलव्ध यायेगु व नेपालभाषा आन्दोलनयात नं विकसित रुप बिइगु निंतिं स्वदँ न्ह्यः श्रीपंचमीया दिनंनिसें शुरु जूगु नां खः, नेपालमण्डल डट कम - अनलाइन पत्रकारिता व नेपालभाषा पत्रपत्रिकाया अनलाइन आर्काइभ । थौं जिमिगु ताय्‌तिति पलाः प्यदँ क्यंगु दु, थुकिं छुं मूर्त रुप काःगु दु ।

थ्व स्वदँया दुने नेपालमण्डल डट कमं थीथी पंगः व आरोह अवरोह फयेमाःगु दु । व्यावसायिकताया होडय् न्ह्यानाच्वंगु अनलाइन पत्रकारिताया भीडय् नेपालमण्डल डट कम थौंतक नं स्वयमसेवी भावनां न्ह्यानाच्वंगु दु । थुगु अनलाइन पोर्टल न्ह्याकेत नीन्याम्ह स्वयमसेवीत निःस्वार्थ भावना थःगु ई व परिश्रम फुकाच्वंगु दु । नसें मनसें, चच्छि चच्छि न्ह्यःपाः याना नं ब्वमि व स्वकुमिपिन्त ब्वनेगु व स्वयेगु हलंज्वलं उपलव्ध यानाः लबः छगू हे जक जूगु दु - छिकपिं सकलें ब्वमिपिनिगु मतिना व हःपाः । थ्व हे हःपालं थुगु दँय् जिपिं शंखधर सिरपां विभूषित जुइखन ।

नेपाः दुने व नेपाः पिनेया आपालं ब्वनामिपिंसं थुकीयात माया, मतिना यानाः बियादीगु सल्लाह, सुझाव व प्रतिकृयां झीत अझ धिसिलाक्क न्ह्याः वनेत ह:पाः ब्यूगु दु । छिकपिनिगु हे सुझाव कथं थुगु पोर्टलयात अझ सशक्त रुपं भाषिक आन्दोलनया ख्यलय् व निष्पक्ष समाचार, अडियो, भिडियो ब्लग नापं नेपालमण्डल लागाया गतिविधि दुथ्याकेत झी न्ह्याःवनेगु जुइ ।

छिकपिंसं क्यनादीगु मतिना व सद्धभाव प्रति नेपालमण्डल पुचःपाखें कृतज्ञता प्वंकूसें वइगु दँय् नं छिकपिनिगु माया व मतिना नापं मचा:मगा: कुला: छ्याताया अपेक्षा यासें छिकपिं सकसितं आपालं आपाः सुभाय् देछासें थःगु पलाः अझ धिसिलाक्क न्ह्याका वनेगु प्रतिवद्धता प्वंकाच्वना ।